Бой кишилар давлатини бошқарувчи 3 Associates компанияси Ҳиндистоннинг Sahara Group компаниясидан Лондондаги Grosvenor House меҳмонхонасини, шунингдек, Нью-Йоркнинг Plaza Hotel ва Dream Downtown меҳмонхоналари мажоритар улушларини 1,3 миллиард долларга сотиб олиш таклифини киритди, деб ёзади «Интерфакс».

3 Associates хабарида айтилишича, олди-сотди асосан Саудия Арабистонидаги исм-шарифи ошкор қилинмаётган оила маблағлари ҳисобига амалга оширилади. Таклиф узоқ вақт давомида режалаштирилган, аммо фунт стерлингнинг АҚШ долларига нисбатан курси сезиларли тарзда пасайгач, уни тезлаштиришга қарор қилинди.

«Потенциал олди-сотди соҳадаги энг йиригига айланиши ва Лондон кўчмас мулк бозорининг келажагига бўлган ишончни намойиш қилиши мумкин», — деди 3 Associates бошқарувчи директори Жесдав Саггар.

Саҳара асосчиси, миллиардер Субрата Рой терговда бўлгани ва мамлакатни тарк этмаслик ҳақидаги тилхат билан озодликда қолиш учун августга қадар 1,5 миллиард доллар гаров пули тўлаши зарурлиги туфайли, активларни сотувга қўйди.