Ироқ пойтахтида худкуш блокпост яқинида ўзини портлатиб юборди, бунинг оқибатида 11 киши ҳалок бўлди ва ўнлаб киши жароҳатланди. Бу ҳақда «Корреспондент.net» хабар бермоқда.
«Террорчи худкушнинг Бағдод шимолидаги блокпостга ҳужуми туфайли камида 8 нафар фуқаро ва уч полициячи ҳалок бўлди. Яна 32 киши яраланди», — дейилади полиция хабарида.
Ҳужум асосан шиалар истиқомат қиладиган Кадхимия туманида содир бўлди. Худкуш блокпостгача пиёда боргани айтилмоқда. Ҳозирча ҳеч бир гуруҳ теракт учун жавобгарликни зиммасига олмади.
Изоҳ (0)