Жанубий Суданнинг янги биринчи вице-президенти тайинланди
Табан Денг Гаи 23 июль, шанба куни вақтинча Жанубий Суданнинг янги биринчи вице-президенти этиб тайинланди. Бунгача у ҳукуматда конлар вазири лавозимини эгаллаб келаётганди, деб хабар беради «ТАСС».
Гаи олдинроқ мамлакат пойтахти Жубани тарк этган аввалги вице-президент Риек Машарни алмаштиради. Бу жорий ой бошида президент Салва Киир қўшинлари ва Машарга содиқ отрядлар ўртасида жанговар тўқнашувлар тикланганидан сўнг юз берди. Гаи Машар қайтгудек бўлса, ўрнини бўшатиб бериши билдирилмоқда.
21 июль, пайшанба куни Киир рақибини Жубага қайтиш ва 300 дан ортиқ киши қурбон бўлишига олиб келган жанговар ҳаракатлар туфайли тўхтаб қолган тинчлик жараёнини тиклашга чақирди. Бироқ эртасига Машар яқин орада пойтахтга қайтмаслиги, чунки Киир томонидан ваъда қилинган хавфсизлик кафолатларига ишонмаслиги маълум бўлди.
