Сурияда террорчилар қўллаб-қувватланиши учун масъулият Саудия Арабистони, Қатар ва Туркия ҳукуматлари зиммасида. Бу ҳақда мамлакат президенти Башар Асад 21 июль, пайшанба куни кубалик журналистларга берган интервьюсида маълум қилди, дея хабар беради «Интерфакс».
«Террорчилар бутун дунёдан қўллаб-қувватланмоқда: Сурияга қарши тажовузда юздан ортиқ миллатга мансуб жангарилар иштирок этяпти. Айрим давлатлар, жумладан, Саудия Арабистони, Қатар молиявий, Туркия эса логистика жиҳатидан уларга кўмак беряпти», — дея таъкидлади Асад.
Сурия президентига кўра, террорчиларга ёрдам Ғарб мамлакатлари, асосан АҚШ, Буюк Британия, Франция ва уларнинг баъзи иттифоқдошлари томонидан маъқулланмоқда ва назорат қилинмоқда. БМТ эса мазкур можарода ҳеч қандай роль ўйнамаяпти, Россия ва АҚШ ўртасида мулоқот бор, холос.
У Хитойнинг ҳам муҳим ролини эътироф этиб, Москва ва Пекиннинг мавқейи туфайлигина БМТ ичида, шу жумладан, Сурия масаласида ҳам мувозанат мавжудлигини билдирди.
Изоҳ (0)