Suriyada terrorchilar qo‘llab-quvvatlanishi uchun mas’uliyat Saudiya Arabistoni, Qatar va Turkiya hukumatlari zimmasida. Bu haqda mamlakat prezidenti Bashar Asad 21-iyul, payshanba kuni kubalik jurnalistlarga bergan intervyusida ma’lum qildi, deya xabar beradi “Interfaks”.
“Terrorchilar butun dunyodan qo‘llab-quvvatlanmoqda: Suriyaga qarshi tajovuzda yuzdan ortiq millatga mansub jangarilar ishtirok etyapti. Ayrim davlatlar, jumladan, Saudiya Arabistoni, Qatar moliyaviy, Turkiya esa logistika jihatidan ularga ko‘mak beryapti”, — deya ta’kidladi Asad.
Suriya prezidentiga ko‘ra, terrorchilarga yordam G‘arb mamlakatlari, asosan AQSh, Buyuk Britaniya, Fransiya va ularning ba’zi ittifoqdoshlari tomonidan ma’qullanmoqda va nazorat qilinmoqda. BMT esa mazkur mojaroda hech qanday rol o‘ynamayapti, Rossiya va AQSh o‘rtasida muloqot bor, xolos.
U Xitoyning ham muhim rolini e’tirof etib, Moskva va Pekinning mavqeyi tufayligina BMT ichida, shu jumladan, Suriya masalasida ham muvozanat mavjudligini bildirdi.
Izoh (0)