АҚШ президентлик лавозимига Республикачилар партиясидан номзодлик қилишини кафолатлаган америкалик миллиардер Дональд Трамп сайловчилар орасида оммабоплиги бўйича Ҳиллари Клинтондан ортда қолишини сезиларли даражада қисқартирди. Бу ҳақда The Washington Post газетаси ва ABC телеканали томонидан ўтказилган умуммиллий сўровноманинг 17 июль, якшанба куни чоп этилган натижалари гувоҳлик беради, дея хабар бермоқда «ТАСС».
Сўровнома натижасида олинган маълумотларга кўра, ноябрь ойидаги сайловларда Трамп учун респондентларнинг 43 фоизи, Клинтон учун 47 фоизи овоз беришга тайёр. Сўровда қатнашганларнинг яна 10 фоизи ҳали кимга овоз беришини аниқлай олмаган.
Ҳозир номзодлар ўртасидаги фарқ 4 фоизни ташкил этмоқда. Ўтган ойда бу кўрсаткич 12 фоизни ташкил этган.
Миллиардерни қўллаб овоз берганларнинг 57 фоизи собиқ давлат котибини ёқтирмаганлиги учун унга овоз бермаганлигини маълум қилган. Ва аксинча, собиқ биринчи хоним тарафдорларининг 54 фоизи у Трампга қарши чиқаётганлиги учун уни қўллаб-қувватлашга тайёр.
Трампни америкалик эркакларнинг 49 фоизи қўллаб-қувватлашга тайёр бўлса, 41 фоизи қарши овоз берган. Клинтон учун эса аёлларнинг 52 фоизи қувватлаб овоз берган бўлса, 38 фоизи унга қарши овоз берган. Уни, шунингдек, ёшроқ авлод вакиллари (18 ёшдан 39 ёшгача) қўлламоқда — 54 фоиз. Бизнесмен учун пенсионерларнинг аксарият қисми овоз бермоқда (51 фоиз).
Изоҳ (0)