ОАВ: Ироқ ғарбидаги икки портлашда хавфсизлик кучларининг 25 ходими қурбон бўлди

Ироқ ғарбидаги Ар-Рутба шаҳрида (Анбар вилояти) иккита кучли портлаш юз берди. Бу ҳақда Al Jazeera телеканали маълумотига таяниб, «ТАСС» хабар бермоқда.

Телеканалнинг маълум қилишича, хавфсизлик кучларининг 25 нафар ходими ҳалок бўлган. Ҳужум миналаштирилган автомобилларда худкуш террорчилар томонидан содир этилганлиги маълум қилинди. Ҳодиса ҳақидаги расмий маълумот ҳозирча келиб тушмади.

Аввалроқ 18 июль, душанба куни Ар-Рутба шаҳри мэри Имад ад-Дулеймий ҳукумат қўшинлари ИШИД террорчилик гуруҳининг йирик ҳужумини қайтаришга эришганлигини маълум қилган эди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.