Iroq g‘arbidagi Ar-Rutba shahrida (Anbar viloyati) ikkita kuchli portlash yuz berdi. Bu haqda Al Jazeera telekanali ma’lumotiga tayanib, “TASS” xabar bermoqda.
Telekanalning ma’lum qilishicha, xavfsizlik kuchlarining 25 nafar xodimi halok bo‘lgan. Hujum minalashtirilgan avtomobillarda xudkush terrorchilar tomonidan sodir etilganligi ma’lum qilindi. Hodisa haqidagi rasmiy ma’lumot hozircha kelib tushmadi.
Avvalroq 18-iyul, dushanba kuni Ar-Rutba shahri meri Imad ad-Duleymiy hukumat qo‘shinlari IShID terrorchilik guruhining yirik hujumini qaytarishga erishganligini ma’lum qilgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)