Ироқнинг Бағдод ва Мосул шаҳарларида юз берган терактлар оқибатида ўн киши ҳалок бўлди, яна 29 киши яраланди. Бу ҳақда Anadolu агентлиги полковник Навфал аз-Земилийга таяниб хабар берди, деб ёзади «Корреспондент.net».
Таъкидланишича, қурбонлар орасида тўрт ҳарбий ва бир журналист бор.
Портлашлар Бағдод жануби-шарқидаги Жиср Дияла ва Нехравон, шарқидаги Хай-Ур ва жануби-ғарбидаги Хай-Ал-Амил туманларидаги жамоат жойларида содир этилди: беш киши қурбон бўлди, 19 киши жароҳат олди.
Бундан ташқари, террорчилар Бағдод шимолидаги Ат-Таримийя туманида Ал-Мушоҳада аҳоли пунктида жойлашган блокпост яқинида мина тўлдирилган автомобилни портлатиб юборди, натижада тўрт киши ҳалок бўлди, тўққиз киши яраланди.
Бағдоднинг «Журналистика эркинликлари обсерваторияси» ташкилоти маълум қилишича, Мосул шаҳри жанубидаги Ал-Каяра туманида уюштирилган терактда эса бир фотомухбир ҳалок бўлди, яна бир журналист яраланди.
Изоҳ (0)