АҚШ Қимматли қоғозлар ва биржалар комиссияси (SЕC) Tesla автокомпанияси инвесторларга 600 миллион долларлик акцияларини сотиш вақтида ҳалокатли йўл-транспорт ҳодисаси ҳақида оғиз очмаслик орқали қонунни бузган-бузмаганлигини аниқламоқчи, деб ёзади «Газета.ru».
The Wall Street Journal маълумотларига кўра, SЕC Tesla компанияси томонидан май ўртасида 600 миллион долларлик акциялар тарқатилиши факти бўйича дастлабки текширув ишларини олиб бормоқда.
Май бошида автопилот функцияси ёқилган Tesla электромобили йўл-транспорт ҳодисасига учраган, натижада машина ҳайдовчиси ҳалок бўлган эди.
Ушбу авария ҳақида июнь охирида — АҚШ Йўл ҳаракати хавфсизлиги бошқармаси тергов бошлаганидан сўнг маълум бўлди; Tesla ўз акцияларини тарқатаётган вақтда ушбу ЙТҲ ҳақида маълум бўлмаган.
Авария ҳақидаги хабарлардан бир неча кун ўтиб, Tesla акциялари тахминан 10 фоизга арзонлашди, шу туфайли инвесторлар зарар кўрган бўлиши мумкин.
Изоҳ (0)