Россия ва Озарбайжон икки томонлама мулоқотлар чоғида Тоғли Қорабоғ можаросини тартибга солишда илгари силжишга имкон берадиган аниқ қадамларни муҳокама қилмоқда. Бу ҳақда Россия ташқи ишлар вазири Сергей Лавров озарбайжонлик ҳамкасби Эльмар Мамедьяров билан музокаралари чоғида маълум қилди, дея хабар беради «ТАСС».
«Озарбайжон президенти Илҳом Алиев билан батафсил, ошкора ва ўзаро ишонч руҳидаги суҳбат бўлиб ўтди. Икки томонлама муносабатлар муҳокама қилинди ва Тоғли Қорабоғ можаросини бартараф этишда тараққиётга олиб келиши мумкин ва шарт бўлган қадамлар белгилаб олинди. Муносабатларимиз ва стратегик шериклигимиз истисносиз барча йўналишларда ривожланиб бораётгани ҳақидаги фикрларингизга қўшиламан», — дея таъкидлади Лавров.
Мамедьяровга кўра, томонлар иқтисодий, гуманитар, Тоғли Қорабоғдаги вазият каби кўплаб йўналишларда мулоқот олиб бормоқда. Вазир «музокаралар жараёнининг илдамлаб бораётгани узоқ муддатли можарога барҳам бериши»га умид билдирди.
Изоҳ (0)