Россиялик саёҳатчи Фёдор Конюхов «Мортон» ҳаво шарида Ер юзи бўйлаб сафарини бошлади. Учиш қурилмаси Австралиянинг Нортхэм шаҳарчасидаги аэродромдан маҳаллий вақт билан 07:30 да парвоз қилди, дея хабар беради «ТАСС».
Ҳаво шари ғарбдан шарққа қараб ҳаракатланади ва саёҳатчи Австралия, Тинч океани, Жанубий Америка (Чили, Аргентина), Атлантика океани, ЖАР, Ҳинд океанини кесиб ўтади ва яна Австралияга қўнади. Парвоз 5—10 километр баландликда бўлиб ўтмоқда. Саёҳат икки ҳафта атрофида давом этиши ва 33—35 минг километр масофа ортда қолдирилиши кўзда тутилган.
«Сафар бошланганидан бениҳоя мамнунман, Албатта, агар Фёдор рекордни янгилай олса (2002 йили америкалик Стив Фоссетт Ер юзини 14 кундан камроқ муддатда айланишга улгурган. Конюков ҳам унинг йўналиши бўйича учмоқда), зўр иш бўларди. Бироқ рекорд асосийси эмас, Фёдор парвозининг ўзи ноёб ҳолат», — дея таъкидлади ҳаво шарини тайёрланган Cameron Balloons компанияси асосчиси ва эгаси Дон Камерон.
Изоҳ (0)