Facebook ўз мессенжерида «махфий суҳбатлар» пайдо бўлганини эълон қилди

Facebook ижтимоий тармоғи ўзининг Facebook мессенжерида шифрланган хабарларни синовдан ўтказишни бошлаганини маълум қилди, деб ёзади «РБК».

8 июль, жума кундан дастурда янги функция — «махфий суҳбатлар» чекланган тарзда синала бошланди, улар муайян қурилмадаги муайян фойдаланувчигагина етиб боради.

«Махфий суҳбатлар»да шунингдек, таймер ўрнатиш имконияти пайдо бўлади, у жўнатилган хабар қабул қилиб олувчига қанча вақт давомида кўриниб туришини белгилайди, шундан сўнг ўз-ўзидан йўқолади.

Мессенжердаги шифрлаш функцияси ихтиёрий бўлади — оддий чат ёки қўшимча ҳимояланган чат орқали мулоқот қилишни фойдаланувчининг ўзи танлайди, чунки «махфий суҳбат»даги ёзишмани барча қурилмалардан ҳам кўриб бўлмайди, ушбу мулоқот қайси қурилмада бошланган бўлса, фақат ўша орқалигина ўқиш мумкин бўлади.