Тошкентда қуввати 100 кунга етадиган Philips Xenium X1560 телефони 744 минг сўмдан сотувга чиқди

Тошкентда Philips Xenium X1560 телефони сотила бошлади, деб ёзади «Mobinfo.uz».

Бир марта қувватлантиргандан кейин унда 40 соатгача суҳбатлашиш ёки кутиш режимида 100 кунгача ишлатиш мумкин. Бундан ташқари, ушбу телефон ёрдамида USB-туйнугига эга бўлган барча смартфонларни қувватлантириш мумкин. Бунинг учун телефон 2900 мА/соатлик бақувват аккумулятор билан жиҳозланган.

Шунингдек, телефонда SIM-карта учун иккита слот, microSD хотира картаси учун слот ва FМ-радио мавжуд. Қурилма 2,4 дюймли TFT-экран ва ёқимли ташқи қиёфага эга.

Philips Xenium X1560’нинг ягона камчилиги — фотокамера ҳамда 3G тармоқлари бўйича маълумотлар узатиш имкониятининг йўқлиги.

Телефон Тошкентдаги «Флешка» савдо мажмуасида (2016 йил 2 июнь ҳолатига кўра) 744 минг сўмдан сотилмоқда.

Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.