Португалия терма жамоаси ҳужумчиси Криштиану Роналду Евро—2016 финалида Франция устидан қозонилган ғалабага «Мен бахтлиман» дея изоҳ берди. Бу ҳақда «Газета.ru» маълум қилди.
«Шундай имкониятни 2004 йилдан бери кутаман. Бутун мамлакатимиз ушбу муваффақиятга ҳақли эди деб ҳисоблайман. Бу фаолиятимдаги энг фантастик лаҳзалардан бири. Мен доим ўз давлатим учун ниманидир ютишни исташим ҳақида такрорлардим. Мана, энди шундай пайт келди. Афсуски, финалда жароҳат туфайли майдонни жуда эрта тарк этдим. Бироқ, жамоамиз билан бирга эдим ва ғалабамизга ишонишда давом этдим», — дея таъкидлади Роналду.
Эслатиб ўтамиз, Евро—2016 финалида Португалия Францияни 1:0 ҳисобида енгиб, ўз тарихида биринчи марта Европа чемпиони бўлди. Роналдунинг ўзи жароҳат туфайли 24-дақиқада алмаштирилди.
Изоҳ (0)