Россиялик енгил атлетикачилар халқаро мусобақалар, жумладан, Олимпиадада қатнашишига рухсат бермаган IAAF ҳаракатларида мантиқ ва соғлом ёндашув мавжуд эмас. Бу ҳақда Россия енгил атлетика федерацияси (РЕАФ) президенти Дмитрий Шляхтин маълум қилди, дея хабар беради «ТАСС».
«Улар ярим йил спортчиларимиз — барча 228 кишини синовдан ўтказди. Биз бу допинг-пробалар учун қўшимча пул тўладик, уларнинг барча талаб ва шартларини бажардик, ҳар қандай мулоқот учун мутлақо очиқ эканлигимизни намойиш этдик. Бизнинг спортчиларимиз тоза, IAAF эса умуман мантиққа сиғмайдиган нарсаларни важ қилиб кўрсатмоқда.
Ўсмирлар ва фахрийлар ҳам халқаро мусобақаларга қўйилмади. Нима, фахрийлар ҳам мунтазам равишда допинг қабул қиладими? Мантиқ қаерда?» — дея таажжубини билдирган Шляхтин.
Эслатиб ўтамиз, олдинроқ Россия спорт вазири Виталий Мутко ва икки карра Олимпиада чемпиони Елена Исинбаева IAAF’ни тарқатиб юборишга чақирганди.
Изоҳ (0)