Британиянинг Дерби шаҳридаги Lodge Hotel меҳмонхонаси бош ошпази Алекс Ламбертни Instagram’га жойлаган сурати учун ишдан ҳайдашди, деб ёзади TJournal. У суратга вегетарианлардан яшириб, уларнинг таомига гўшт қўшгани ҳақидаги изоҳни илова қилган эди.
Алекс билан тузилган 30 йиллик шартнома вегетарианлар йигитни гўшт емаслик тарафдорлари ҳуқуқларини бузганликда айблагач, бекор қилинди.
Алекс вегетарианлар билан баҳсга киришиб, уларга «вақт ўтказишнинг яхшироқ усулини топиш»ни маслаҳат берди ва унинг севимли машғулоти «вегетарианлар таомларига гўштли маҳсулотларни сездирмасдан қўшиб қўйиш» эканлигини таъкидлади.
Кейинроқ Алекс унинг сўзлари рост бўлмагани, у шунчаки баҳс-мунозарага тезроқ якун ясашни истаганини айтди.
Изоҳ (0)