Сурияда ҳалок бўлган америкалик журналист аёл Мэри Колвиннинг оиласи Сурия расмийларини қасддан қотилликда айблаб, АҚШ судига даъво аризаси киритди. Бу ҳақда «Газета.ru» хабар бермоқда.
Колвин 2012 йил 22 февралда француз фотосуратчиси Реми Ошликом билан бирга Хомс шаҳрида ўлдирилганди. Даъвода суриялик расмийлар Колвин ва бошқа журналистлар ишлаётган ҳамда яшаётган студияга атайин ракеталарни йўналтиргани билдирилади.
Репортажлари кўплаб халқаро мукофотларга сазовор бўлган Колвин ўша пайтда Sunday Times нашрида ишлаётганди. У 2001 йили, Шри-Ланкадаги фаолияти чоғида чап кўзидан ажралганди.
Изоҳ (0)