Машҳур Mega Millions лотереясининг ютуқли чиптаси АҚШнинг Индиана штатида сотилган, деб ёзади «Интерфакс».
Уни харид қилган омадли шахс 540 миллион доллар ютиб олди. Ташкилотчилар маълум қилишича, у чиптани Кембридж Сити яқинидаги I-70 шоссесида жойлашган ёқилғи қуйиш шохобчасидан сотиб олган. Ғолибнинг исм-шарифи ҳозирча номаълум.
Бир ҳафтагина аввалроқ Mega Millions лотереяси жекпоти 415 миллион долларни ташкил қилган, бироқ уни ҳеч ким юта олмаган. 5 июль куни сумма 449 миллион долларгача ўсган, 8 июль куни эса 540 миллион долларни ташкил этган.
Изоҳ (0)