Бугун,

  • USD 11095.31
  • RUB 173.84
  • EUR 10772.44

8 июль, жума куни кечки пайт АҚШнинг бир неча шаҳарларида полиция зўравонлигига қарши оммавий норозиликлар бўлиб ўтди. Бу ҳақда «ТАСС» хабар бермоқда.

Фото: EPA

Фото: EPA

Беш нафар полициячи отиб ўлдирилган Далласда (Техас штати) юзлаб кишилар кўпинча қора танлилар қурбони бўлаётган полициячилар томонидан ҳаддан зиёд куч ишлатилишига норозилик билдирган. Атлантада (Жоржия штати) минглаб кишилар автомобиль кўприкларидан биридаги ҳаракатни тўсиб қўйди. Полициянинг ўзини тутишига қарши чақириқлар билан чиққанларни хавфсизлик кучларининг бир неча қатори тўхтатиб турган.

Янги Орлеанда (Луизиана штати) бир неча ўнлаб намойишчилар шаҳар полиция бошқармаси олдида ерга ётиб, 20 дақиқа атрофида ҳаракатсиз қолди ва шу тариқа полициячилар отиб ўлдирган айбсиз фуқаролар жасадларини ифодалади. Лос-Анжелес (Калифорния штати) кўчалари бўйлаб ўтган тинчлик маршида таниқли инсонлар, жумладан, рэп ижрочиси Снуп Догг иштирок этди.

Бундай акциялар Колорадо, Массачусетс, Миннесота, Мичиган, Небраска, Филадельфия ва бошқа штатлардаги шаҳарларда ҳам бўлиб ўтди. Улар билан боғлиқ тартибсизликлар ҳақида хабар берилмаган.

Эслатиб ўтамиз, шу ҳафтада полициячилар Миннесота штатидаги Фолкон-Хайтс ва Луизиана штатининг Батон-Руж шаҳарларида афроамерикалик эркакларни отиб ташлади. Ушбу воқеалар қора танлилар норозилигига сабаб бўлди.

Қайд этиш керакки, АҚШ ҳуқуқ-тартибот идоралари ходимлари хизмат вазифасини ўташ чоғида ярим йил мобайнида 491 кишини отиб ўлдирди.

Изоҳ
Асосий янгиликлар
Маҳаллий
Эрдўғоннинг ҳокимиятда қолиши Марказий Осиё давлатларига қандай таъсир қилади? Экспертлар фикри
Маҳаллий
Ўзбекистонда доллар курси ошди
Дунё
Эрдўғон тарафдорлари унинг сайловдаги ғалабасини қандай кутиб олди? (фоторепортаж)