АҚШнинг Теннесси штатида номаълум кимса уюштирган отишмада бир киши ҳалок бўлди

АҚШнинг Теннесси штатидаги шосселардан бирида номаълум кимса уюштирган отишмада бир киши ҳалок бўлди, тўрт киши жароҳатланди. Бу ҳақда «ТАСС» хабар бермоқда.

Отишма Бристоль шаҳридаги меҳмонхона яқинида рўй берди: эркак ўткинчи автомобилларга қарата тартибсиз ўқ узди. Ҳодиса жойига полициячилар етиб келди ва жавоб ўти очди, натижада ўқ узган кимсага жароҳат етказилди.

Жабрланганлар (улар орасида полиция ходими ҳам бор) касалхонага ётқизилгани билдирилмоқда.