Сурия президенти Башар Асад мамлакатнинг янги ҳукумати таркибини тасдиқлади. Бу ҳақда, SANA агентлигига таяниб, «РБК» хабар бермоқда.
Собиқ электр энергетикаси вазири Имод Муҳаммад Диб Хамис ҳукумат раҳбари этиб тайинланди. Миллий бирлашув вазири Али Ҳайдар, ташқи ишлар вазири Валид Муаллим, мудофаа вазири Фаҳид ал-Фреж ўз лавозимларини сақлаб қолди. Мухолифат вакилларидан ҳеч ким янги ҳукумат таркибига кирмади.
Асад 22 июнда Имод Хамисга ҳукуматни шакллантиришни топширганди. Янги маҳкама тузилиши сабаблари маълум қилинмаган эди.
Изоҳ (0)