Ироқ пойтахтида содир этилган икки теракт қурбонлари сони 80 кишига етди. Бу ҳақда маҳаллий мансабдорларга таяниб CNN маълум қилди, деб хабар беради «РБК».
Олдинроқ портлашларда 27 киши қурбон бўлгани билдирилганди.
Каррада туманидаги гавжум савдо кўчасида рўй берган биринчи портлашда 79 киши ҳалок бўлди, 133 киши жароҳатланди. Иккинчи бомба Шаъб туманидаги очиқ бозорда содир этилди ва унда бир киши ҳалок бўлди, беш киши яраланди.
Ҳужум учун жавобгарликни зиммасига олган ИШИД бундан кўзда тутилган мақсад Каррада ва Шаъб каби шиалар истиқомат қиладиган туманлар эканлигини маълум қилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)