Эрон диний етакчиси оятуллоҳ Али Хоманаий минтақавий масалалар, жумладан, Сурия борасида АҚШ билан ҳар қандай муносабатлар имкониятини рад этди. Бу ҳақда у 2 июль, шанба куни Теҳронда талабалар билан учрашуви чоғида маълум қилди, деб хабар беради «ТАСС».
Қўшма Штатларда янграган Эрон билан минтақавий, хусусан, Сурия масаласида ҳамкорлик ҳақидаги баёнотларга изоҳ берар экан, Хоманаий «биз бундай ҳамкорликка бормаймиз, чунки АҚШнинг асосий мақсади Эроннинг минтақадаги иштирокига барҳам беришдан иборат. Ўз навбатида, Эрон ҳам АҚШ минтақа ишларига аралашмаслиги ва бу ерда ҳозир бўлмаслигини истайди», — деди.
Оятуллоҳ Вашингтон қутқуси остидаги ҳаракатлардан тийилишга чақирди.
«Эрон ривожланиш учун Ғарбга таяниши керак деб ишонаётганлар ақлини йиғиб олсин. Мен бунга охирги нафасимгача қаршилик қилишни ўзимнинг маънавий ва диний бурчим деб биламан», — маълум қилди Хоманаий.
Изоҳ (0)