Қирғизистон президенти Алмазбек Атамбаев томонидан ёзилган ва ижро этилган қўшиққа ишланган биринчи видеоклип YouTube’га жойлаштирилди. Бу ҳақда «РИА Новости» хабар бермоқда.
«‘Тақдирга қасдма-қасд’ деб номланган бу тарона илк қўшиқларимдан бири ва у ҳаётимда гўёки шиор каби бўлган. Жуда кўп маротаба, тақдирга қасдма-қасд қийинчиликларни енгиб ўтишимда ёрдам берган», — дея таъкидлайди муаллиф қўшиқ аввалида.
Видеоклипда «Қирғизфильм» киностудиясида суратга олинган ва ўзбекистонлик актёр Талгат Нигматулин бош ролни ижро этган «Хилватдаги муҳаббат» фильмидаги лавҳалардан фойдаланилган. Клип ўтган дам олиш кунлари интернетга жойлаштирилди ва сутка мобайнида 53 минг маротабадан кўпроқ кўрилди.
Маълумот учун, 17 сентябрда 60 ёшга тўладиган Атамбаев 1983 йили собиқ Иттифоқ ёзувчилар уюшмасига аъзо бўлган. Ҳозирда жамоатчилик асосида Қирғизистон адабиёт жамғармасини бошқаради.
Изоҳ (0)