Ўтган йил август ойи охирида Россиянинг Челябинск вилоятида топилган дандон тиш 1,5—2 миллион йил аввал яшаган жанубий ўрмон филига тегишли бўлиши мумкин. Олдин уларнинг Урал ва Сибирда яшагани ҳақида олимларга маълум бўлмаган, дея хабар беради «ТАСС».
«Аввалига дандон тиш мамонтга тегишли деб ўйладик, кейинчалик унинг аждоди — трогонтериевли фил тахмини кўрилди. Бироқ тадқиқотлар давомида маълум бўлдики, суяк анчагина қадимий экан. Тиш 1,5—2 миллион йил аввал яшаган мамонтнинг иссиқликсевар аждоди — жанубий ўрмон филига тегишли бўлиши мумкин», — дея таъкидлади Россия Фанлар академияси Урал бўлимига қарашли Ўсимлик ва ҳайвонлар экологияси институти лабораторияси мудири Павел Косинцев.
Косинцевга кўра, ҳозирда олимлар ўз тахминларини исботлаш учун қатор қўшимча экспертизаларни ўтказмоқда.
Изоҳ (0)