Woy-Wo‘, Аҳмадбойга пул берганини рад этган Муниса Ризаева, Тошкентга келганларни рўйхатга олишнинг янги тартиби ва куннинг бошқа муҳим янгиликлари

4 июлнинг эътиборга молик янгиликлари — «Дарё»нинг кечки дайжестида.

1. Ўзбекистондаги барча масжидларда Ҳайит намозини ўқиш вақтлари белгиланди. Тошкент шаҳридаги масжидларда Ҳайит намози 2016 йил 6 июль, чоршанба куни тонг соат 05:15 да ўқилади.

2. Тошкент шаҳрига келувчиларни рўйхатга олишнинг янги тартиби тасдиқланди. Тошкент шаҳри ва вилоятида вақтинчалик рўйхатдан ўтиш бу ерда уй сотиб олиш, доимий ишга жойлашиш ёки ижтимоий кафолатлар олиш учун асос бўлиб хизмат қилмайди.

3. Бағдодда рўй берган теракт қурбонлари сони 200 кишидан ошди. Ўз навбатида, Ироқ бош вазири ўлимга ҳукм қилинган барча террорчиларни зудлик билан қатл этишга буюрди.

4. Муниса Ризаева Аҳмадбойга пул бергани ҳақидаги миш-мишларни рад этди. «Мен бундай одам борлиги ҳақида энди эшитиб турибман!», — деб ёзди Муниса.

5. Woy-Wo‘ интернет тўловлари портали ишга туширилди. Порталнинг мобил версияси ва мобил дастурлари яқин орада ишга туширилади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.