Ўзбекистонда долларнинг расмий курси 5 сўм 13 тийинга ошди

Ўзбекистон Марказий банки 2016 йил 5 июлдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини белгилади.

Унга кўра, 1 АҚШ доллари 2948 сўм 59 тийин этиб белгиланди. Бу 28 июндаги курсга нисбатан 5 сўм 13 тийинга кўп.

5 июлдан эътиборан 1 евро қиймати 3318 сўм 4 тийин (28 июндаги курсга нисбатан 16 сўм 21 тийин арзон), 1 Хитой юани 442 сўм 60 тийин (28 июндаги курсга нисбатан 86 тийин арзон), 1 Россия рубли эса 46 сўм 6 тийин (28 июндаги курсга нисбатан 1 сўм 14 тийин қиммат) этиб белгиланган.

Эслатиб ўтамиз, валюта қийматини белгилаш чоғида Марказий банк мазкур валюталарни ушбу қийматда сотиш ёки сотиб олиш мажбуриятини олмаган.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.