Американинг Лас-Вегас шаҳрида (Невада штати) Дональд Трампга суиқасд қилишга уриниш давомида қўлга олинган ёш британияликка 29 июнь, чоршанба куни расмий айблов эълон қилинди. Бу ҳақда «ТАСС» хабар бермоқда.
Associated Press агентлигининг маълум қилишича, 20 ёшли Майкл Сендфордга жиноятлар мажмуи бўйича 30 йиллик қамоқ жазоси хавф солмоқда.
Лас-Вегас прокурори Дениел Богден томонидан эълон қилинган айблов хулосасида британияликка ўқотар қуролга ноқонуний эгалик қилиш, расмий тадбирни барбод қилиш, мансабдор шахснинг ўз хизмат вазифаларини бажаришига тўсқинлик қилиш ва бошқа айблар қўйилган.
Эслатиб ўтамиз, аввалроқ АҚШ президентлигига номзод Дональд Трампнинг митинги чоғида уни отиб ташлашга уринган 20 ёшли фуқаро Майкл Стивен Сендфорд ҳибсга олинганлиги ҳақида хабар берилган эди.
Изоҳ (0)