Москва физика-техника институти, Россия Фанлар академиясининг Органик кимё институти ва бошқа муассасалар олимлари саратонга қарши фаолликка эга моддаларни кашнич ва шивит уруғларидан ажратилган бирикмалардан синтезлаш усулини топди, дея хабар бермоқда «ТАСС» тадқиқот натижаларига таяниб.
Ҳужайраларнинг бўлиниши жараёнини бузадиган моддалар — антимитотиклар, бошқаларига қараганда тезроқ бўлинадиган саратон ҳужайраларига кучлироқ таъсир қилади. Кашнич ва шивитда аниқланган антимитотиклар шишга қанчалик кучли таъсир кўрсатишини олимлар денгиз типратиканлари эмбрионларида ва инсон саратон ҳужайраларида текшириб кўрди.
Синтезланган моддалар одамдаги саратон ҳужайралари ва модель жониворларда самарадорлик кўрсатди, энди муаллифлар уларни лаборатория сичқонларига киритилган, одамдаги шиш устида синаб кўрмоқчи.
Изоҳ (0)