Тошкент ахборот технологиялари университетида ўқишни истаган абитуриентлар ҳужжатларни олийгоҳ қабул комиссиясига уйдан чиқмай, электрон шаклда топшириши мумкин, деб хабар бермоқда «Infocom.uz».
Ягона интерактив давлат хизматлари порталида «Тошкент ахборот технологиялари университети бакалавриатига ҳужжатларни электрон шаклда топшириш» электрон хизматининг дастлабки лойиҳаси ишга туширилди. Ушбу хизмат ёрдамида абитуриент олийгоҳга кириш учун зарур бўлган ҳужжатларни интернет орқали қабул комиссиясига юбориши мумкин.
Лойиҳа муваффақият билан синовдан ўтказилганидан сўнг бундай тизим мамлакатдаги барча олий ўқув юртларида жорий этилиши кўзда тутилмоқда.
Изоҳ (0)