Toshkent axborot texnologiyalari universitetida o‘qishni istagan abituriyentlar hujjatlarni oliygoh qabul komissiyasiga uydan chiqmay, elektron shaklda topshirishi mumkin, deb xabar bermoqda “Infocom.uz”.
Yagona interaktiv davlat xizmatlari portalida “Toshkent axborot texnologiyalari universiteti bakalavriatiga hujjatlarni elektron shaklda topshirish” elektron xizmatining dastlabki loyihasi ishga tushirildi. Ushbu xizmat yordamida abituriyent oliygohga kirish uchun zarur bo‘lgan hujjatlarni internet orqali qabul komissiyasiga yuborishi mumkin.
Loyiha muvaffaqiyat bilan sinovdan o‘tkazilganidan so‘ng bunday tizim mamlakatdagi barcha oliy o‘quv yurtlarida joriy etilishi ko‘zda tutilmoqda.
Izoh (0)