Буюк Британиянинг Евроиттифоқдан чиқишини тезроқ расмийлаштириш лозим. Бу ҳақда Франция ташқи ишлар вазири Жан-Марк Эро Берлинда иттифоқ асосчилари бўлган мамлакатлар ташқи сиёсий маҳкамалари раҳбарлари учрашуви якунидан сўнг маълум қилди, дея хабар берди «Интерфакс».
«Мавҳумликка йўл қўймаслик учун ҳам жараённи тезлаштириш керак. Бироқ бу қарорнинг Буюк Британия учун молиявий ва сиёсий оқибатлари албатта бўлади», — дея таъкидлаган Эро.
Германия ташқи ишлар вазири Франк-Вальтер Штайнмайер ҳам Буюк Британиянинг Евроиттифоқдан чиқиши масаласи тезроқ ҳал этилиши зарурлигини билдирди.
Шу билан бирга, Люксембург ТИВ раҳбари Жан Ассельборн иттифоқдан чиқиш тўғрисидаги расмий сўров Буюк Британия ҳукумати ёки парламентидан келиб тушиши лозимлиги, Брюссель бунга таъсир ўтказолмаслигини таъкидлади.
Изоҳ (0)