Россия президенти Владимир Путин Киров вилояти губернатори Никита Белих ҳибсга олинганидан хабардор. Бу ҳақда давлат раҳбари матбуот котиби Дмитрий Песков маълум қилди, дея хабар беради «Интерфакс».
«Табиийки, президентга бу ҳақда етказилган. Ҳуқуқ-тартибот ва тергов идоралари мустақил фаолият юритади, шунинг учун қандайдир олдиндан маслаҳатлашувлар ҳақида гап бўлиши мумкин эмас», — дея таъкидлаган Песков президентнинг бу ҳақда огоҳлантирилгани ҳақидаги саволга жавобан.
Киров губернатори лавозимидан четлатилиши ҳақидаги саволга жавоб қайтарар экан, Песков «Лавозимдан четлатиш тўғрисидаги қарорни президент қабул қилади, буни олдиндан айтишнинг иложи йўқ. Умуман олганда эса, Белих масаласида шундай дейиш мумкин: тергов текширади, айблов айблайди, ҳимоя эса ҳимоя қилади. Ҳар кимнинг қонунда кўзда тутилган тегишли ҳуқуқлари бор, суд қарорига қадар ҳеч кимни айбдор деб бўлмайди», — дея муносабат билдирган.
Изоҳ (0)