Хитойнинг етакчи савдо майдончаларидаги ҳолат Британиядаги референдумнинг у ёки бу шаҳардаги натижаларига боғлиқ бўлиб қолди, дея хабар бермоқда «РБК».
Хитойнинг иккита асосий фонд бозори — Гонгконг ва Шанхайдаги индекслар Британиянинг Евроиттифоқдан чиқиши ҳақидаги референдум якунларининг бир-бирига зид хабарлари остида бир кун аввалги даражада сақланиб турибди. Бозорлардаги ҳаракат Буюк Британиядан келаётган ахборот сабаб ўзгариб турибди.
Хусусан, Хитойдаги савдоларнинг очилиши Британиянинг Евроиттифоқдан чиқиши ҳақидаги маҳаллий сайлов комиссиялари хабарлари эълон қилинган вақтда тўғри келди. Шу сабабли ҳам Гонгконгдаги Hang Seng индекси ҳам, Шанхайдаги SSE Composite ҳам савдоларнинг дастлабки дақиқаларида 0,4 фоизга пасайди. Кейинчалик Британиянинг Евроиттифоқдан чиқиши тарафдорлари ишонч билан олдинга ўтиб олгани маълум бўлди.
Гонгконг Британиянинг собиқ мустамлакаси, шу билан бирга, жаҳон молия маркази мақоми учун курашда Лондоннинг рақобатчиси ҳисобланади. Хитойлик инвесторларнинг Буюк Британиядан келаётган ахборотга эҳтиёткорлик билан муносабатда бўлишини шу билан изоҳлаш мумкин.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)