Россия мудофаа вазирлиги суратлари ИШИД томонидан эълон қилинган ҳарбий хизматчилар вафотини рад этди

Фотосуратлари ИШИД террорчилик гуруҳи, украиналик «дўстлари», шунингдек, Лондондаги «Сурияда инсон ҳуқуқлари обсерваторияси» томонидан эълон қилинган россиялик ҳарбий хизматчиларнинг барчаси соғ-омон ҳолда ўз бўлинмаларида фаолият олиб бормоқда. Бу ҳақда Россия мудофаа вазирлиги расмий вакили генерал майор Игорь Конашенковга таяниб, «ТАСС» хабар берди.

«Бизни қизитираётган ягона савол шуки, ушбу фотосуратлар қандай қилиб деярли бир вақтнинг ўзида ИШИД сайтида ва Россиянинг украиналик бадхоҳ тарғиботчилари жамоасида пайдо бўлди?» — деди Коношенков.

Фотосуратлар Россия ҳудудида ўғирланган телефондан қўлга киритилган.

Аввалроқ ИШИД назорати остидаги «Амак» ахборот агентлиги, Украинанинг қатор тарғиботчилик сайтлари ва Лондоннинг «Суриядаги инсон ҳуқуқлари обсерваторияси», гўёки, Суриянинг Ракка провинциясида ҳалок бўлган россиялик ҳарбий хизматчилар хабарномалари ва фотосуратларини эълон қилган эди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.