АҚШ Давлат департаменти ходимлари Сурия ҳукумат қўшинларига «Югославия сценарийси» бўйича зарба беришни таклиф қилди. Бу ҳақда ўнлаб мансабдорлар томонидан имзоланган мактуб ихтиёрига келиб тушган The New York Times нашри маълум қилди, дея хабар беради «Газета.ru».
«Биз АҚШнинг узоқ масофадаги қурол ва ҳаводан зарбаларга асосланган Суриядаги янада фаол ҳарбий иштирокини мақсадга мувофиқ деб ҳисоблаймиз. Бу АҚШ раҳбарлигида мақсадли ва тажовузкор дипломатик жараённи илгари суришга кўмак берган бўларди», — дейилади мактубда.
Изоҳ берилишича, гап узоқ масофадан учириладиган ва ҳукумат қўшинларига бундай зарбаларга жавоб қайтаришга имкон бермайдиган қанотли ракеталар ҳақида кетмоқда. Газета АҚШ бошчилигидаги НАТО коалицияси 1999 йили Югославияда шундай усулни қўллагани ва бу мазкур мамлакат расмийларини Косово мустақиллиги эълон қилиниши билан якунланган сиёсий мулоқотни бошлашга мажбур этганини эслатиб ўтган.
Изоҳ (0)