Японияда тўрт нафар аёлни яралаган ва улардан бирининг умрига зомин бўлган шахси номаълум эркак ўлим жазосини кўзлаётганини маълум қилди. Бу ҳақда «РИА Новости» хабар бермоқда.
Мамлакатнинг энг шимолий Хоккайдо оролидаги Кусиро шаҳри савдо марказида номаълум эркак тўрт нафар аёлга пичоқ билан ташланди ва жароҳат етказди. Улардан бири кейинчалик оламдан ўтди.
«Киодо» агентлигининг ҳуқуқ-тартибот идораларига таяниб маълум қилишича, эркак руҳий хасталикка чалинган ва ўзининг билдиришича, аёлларга ўлим жазосини олиш учун жароҳат етказган. У тиғи 22 сантиметр бўлган пичоқ билан қуроллангани айтилмоқда.
Изоҳ (0)