Австриялик аёл паст даражали ақл-идроки туфайли, қизи ва ўғлига нисбатан ота-оналик ҳуқуқидан маҳрум этилди, деб ёзади «Корреспондент.net» Local нашрига таяниб.
Ижтимоий хизмат ходимлари 34 ёшли Эвелин Мюллернинг 64 балли IQ даражаси болаларни яхши тарбиялаш учун етарли эмас, деб ҳисоблаб, ундан болаларини олиб қўйди. Уларни етимхонага жойлаштирди ва тез орада янги оилаларга бериб юбормоқчи.
Нашр ёзишича, 64 балли ва ундан паст IQ даражаси ҳар 122 кишидан бирида учрайди, Қуйи Австрия федерал ўлкасидаги Штатцендорф қишлоқ коммунаси ижтимоий хизматлари эса бундай даража болаларни тарбиялаш учун етарли эмас, деб ҳисоблайди.
Мюллер хайрия ташкилоти ёрдамида адвокат ёллади ва ота-оналик мажбуриятларини бажаришга қодирлигини даъво қилмоқда. Ўрта таълимга эга бўлиш учун унинг ақл-идроки етарли бўлган, демак болаларга ғамхўрлик қилиш ҳам унинг қўлидан келади.
Изоҳ (0)