Хитой жануби-ғарбидаги Юйлинь шаҳридаги сотувчилар ит гўшти фестивалида ўлдирилишидан қутқармоқчи бўлган фаолларга жониворларни сотмоқда. Бу ҳақда «Газета.ru» хабар берди.
Фаоллардан бири Ду Юфэннинг билдиришича, сотувчилар унга 13 та итнинг ҳар бирини 900 юандан (136 доллар атрофида) берган. Аммо унинг ўзи итларни харид қилиш вазиятдан чиқиш йўли эмаслигинини тан олган. «Ўзимиз ҳам итларни харид қилиш нотўғри йўл эканлигини тушуниб турибмиз. Бу фақат пайтдан фойдаланиб, нархни кўтараётган сотувчиларга фойда келтирмоқда», — дея таъкидлаган у.
Эслатиб ўтамиз, Юйлиндаги ит гўшти фестивали 21 июнда бошланди. Фаоллар ундан олдин шаҳарнинг Пекиндаги ваколатхонасига фестивални бекор қилиш талаб қилинган ва 11 миллион имзо қўйилган петицияни топширганди.
Изоҳ (0)