Xitoy janubi-g‘arbidagi Yuylin shahridagi sotuvchilar it go‘shti festivalida o‘ldirilishidan qutqarmoqchi bo‘lgan faollarga jonivorlarni sotmoqda. Bu haqda “Gazeta.ru” xabar berdi.
Faollardan biri Du Yufenning bildirishicha, sotuvchilar unga 13 ta itning har birini 900 yuandan (136 dollar atrofida) bergan. Ammo uning o‘zi itlarni xarid qilish vaziyatdan chiqish yo‘li emasliginini tan olgan. “O‘zimiz ham itlarni xarid qilish noto‘g‘ri yo‘l ekanligini tushunib turibmiz. Bu faqat paytdan foydalanib, narxni ko‘tarayotgan sotuvchilarga foyda keltirmoqda”, — deya ta’kidlagan u.
Eslatib o‘tamiz, Yuylindagi it go‘shti festivali 21-iyunda boshlandi. Faollar undan oldin shaharning Pekindagi vakolatxonasiga festivalni bekor qilish talab qilingan va 11 million imzo qo‘yilgan petitsiyani topshirgandi.
Izoh (0)