Россия соғлиқни сақлаш вазирлиги олий ўқув юртига кирувчилар тиббий маълумотнома тақдим этишини бекор қилиш бўйича таклиф тайёрлади. Мазкур чора шифокорларни кераксиз ҳужжатлар билан ўралашиб қолишдан халос этиши кўзда тутилмоқда. Бу ҳақда «Ремедиум» нашрига таяниб, Ўзбекистон Республикаси соғлиқни сақлаш вазирлиги матбуот хизмати маълум қилди.
Россия соғлиқни сақлаш вазирлиги жамоат саломатлиги ва коммуникациялар департаменти директори Олег Салагайга кўра, абитуриентлар учун тиббий маълумотнома мамлакатда ҳар йили болалар ва ўсмирлар диспансеризацияси ўтказилаётгани туфайли ўз аҳамиятини йўқотган. Ундан воз кечиш йилига 4 миллиард рублдан ошиқ маблағни иқтисод қилишга имкон беради. Уларни миокард инфаркти ёки инсульт, шунингдек, юрак ва томирларда операцияларни бошидан ўтказган беморлар қабул қиладиган дорилар қийматининг ярмини қоплаб беришга йўналтириш мумкин.
Изоҳ (0)