Истак ва маблағ бўлса дунёнинг исталган манзилига бориш мумкиндек туюлади. Бироқ Ер юзида шундай жойлар ҳам борки, у ерга сайёҳлар ташрифи буткул ман этилган.
Суртсей ороли, Исландия
Фото: Google Photos
Тақиқ сабаби: илмий тажрибалар
1963 йилда Исландияда маҳаллий вулқон отилиши оқибатида 2,7 квадрат километр майдондаги орол пайдо бўлди. Бу янги ҳаёт дунёга келишининг тайёр намунаси бўлгани учун турли мамлакат олимлари қизиқишини уйғотди. Бу ерга фақат илмий мақсадда келиш мумкин.
Кеймада-Гранди ороли, Бразилия
Фото: Google Photos
Тақиқ сабаби: заҳарли илонлар
Бразилия соҳилбўйидан 35 километр узоқликда жойлашган Кеймада-Гранди ороли нақ жаннатнинг ўзи. Бироқ бу ерга ташриф сизга қимматга тушиши мумкин: 0,43 квадрат километр майдонда тахминан 4000 илон, жумладан, чақиши тил тортмай ўлдирадиган дунёдаги энг заҳарли илон — орол ботропси истиқомат қилади.
Шимолий Сентинел ороли, Ҳиндистон
Фото: Google Photos
Тақиқ сабаби: бегоналарни ёқтирмайдиган туб аҳоли
Бенгал бўғозидаги Андаман оролларидан бири расман Ҳиндистонга қарайди. Ҳудудини фаол ҳимоя қиладиган ва бегоналарни ёқтирмайдиган (адашиб қолган балиқчилар уларнинг охирги қурбони бўлди) туб аҳоли туфайли расмийлар фуқароларни сентинелликлар ва уларнинг оролидан узоқроқ бўлишга чақирди.
Исэ ибодатхонаси, Япония
Фото: Google Photos
Тақиқ сабаби: фақат маълум тоифа учун
Исэ ибодатхонаси Япониянинг энг муҳим зиёратгоҳи ҳисобланади. Унинг ичига фақат олий табақа руҳонийлари ва императорлик оиласи аъзолари кириши мумкин.
Груйнард ороли, Шотландия
Фото: Google Photos
Тақиқ сабаби: биологик қурол синови
1942 йили Буюк Британия ҳукумати Шотландиядаги мазкур оролни биологик қурол, жумладан, Сибир куйдиргиси синови учун сотиб олди. Экспертлар унинг асоратлари орол тупроғида сақланиб қолгани ҳақида огоҳлантирди, бу эса ушбу ҳудуд яна юз йиллар давомида яшаш учун яроқсиз бўлишини билдиради.
Мазкур ғорда эрамизгача XVIII—XV мингйилликларга оид илк тасвирий санъат намуналари мавжуд. Олдин сайёҳлар учун очиқ бўлган, бироқ кейинчалик улар томонидан чиқариладиган карбонат ангидрид гази тасвирларга шикаст етказиши аниқлангач ёпиб қўйилган. Фақат кам сонли олимлар кириши мумкин.
51-ҳудуд, Грум Лейк, АҚШ
Фото: Google Photos
Тақиқ сабаби: ёпиқ ҳарбий база
Ушбу ҳарбий база 1950 йилдан бери АҚШ ҳукуматининг махфий мақсадлари учун хизмат қилади. Расмий манбаларга кўра, бу ерда тажриба учиш қурилмалари ва қуролланиш тизимлари ишлаб чиқилади. Овозаларга кўра, ўнлаб йиллар аввал қўнган номаълум учувчи жисмлар сақланади.
Омборда бутун дунёдан келтирилган ҳар бир ўсимликнинг уруғлари сақланади. Улар табиий офат ёки уруш бўлган тақдирда янги ўсимликлар етиштириш, аҳолини озуқа билан таъминлаш учун фойдаланилади.
Pine Gap ҳарбий базаси, Австралия
Фото: Google Photos
Тақиқ сабаби: махфий ҳарбий база
Австралиянинг қоқ марказида жойлашган Алис-Спрингс шаҳридан 18 километр жануби-ғарбда жойлашган. Мамлакат иқтисоди учун ўта муҳим бўлган база АҚШ ва Австралия томонидан бошқарилади.
Межгорье, Россия
Фото: Google Photos
Тақиқ сабаби: шаҳар ёпиқ маъмурий-ҳудудий тузилма мақомига эга
Бошқирдистондаги мазкур шаҳар ёпиқ маъмурий-ҳудудий тузилма мақомига эга. Республика пойтахти Уфадан тахминан 200 километр узоқда, Уралнинг энг баланд тоғи Ямантау яқинида жойлашган. У ерда ерости шаҳри — Россия Федерациясининг захира пойтахти қурилаётгани ҳақида миш-мишлар юради.
Изоҳ (0)