Тошкент шаҳрида 22 июнь, чоршанба куни Шанхай ҳамкорлик ташкилоти (ШҲТ)га аъзо мамлакатлар маданият вазирларининг ўн учинчи йиғилиши бўлиб ўтди. Бу ҳақда тадбир ташкилотчилари «Дарё» интернет-нашрига маълум қилди.
Йиғилишда Қозоғистон маданият ва спорт ишлари вице-вазири Галим Аҳмедяров, Хитой маданият вазири Ло Шуган, Қирғизистон маданият, ахборот ва туризм вазири Олтинбек Мақсутов, Россия маданият вазири биринчи ўринбосари Владимир Аристaрхов, Тожикистон маданият вазири Шамсиддин Орумбекзода, Ўзбекистон маданият ва спорт ишлари вазири Баҳодир Аҳмедов ва ШҲТ бош котиби Рашид Алимов қатнашди.
Баҳодир Аҳмедов раҳбарлик қилган йиғилиш самимий ва дўстона руҳда ўтди, унда маданият ва санъат соҳасидаги ҳамкорлик, аввалги йиғилишларда эришилган келишувларнинг бажарилиши каби масалалар ҳар томонлама кўриб чиқилди ва муҳокама қилинди.
Томонлар меҳмондўстлик ва йиғилишни юқори савияда ташкил этгани учун Ўзбекистон Маданият ва спорт ишлари вазирлигига миннатдорчилик билдирди, шунингдек, ШҲТга аъзо мамлакатлар маданият вазирларининг навбатдаги йиғилишини 2017 йилда ўтказишга келишиб олди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)