Асли Грузиядан бўлган, бироқ Испания шарафини ҳимоя қилаётган 28 ёшли UFC жангчиси Илия Топурия йил охиригача яна бир жанг ўтказишга тайёр эканини маълум қилди. Бу ҳақда MMA Маниа порталига таяниб, Championat нашри хабар берди.
Агар UFC мен учун жанг ташкил қилишни режалаштирган бўлса, йил охиригача яна бир марта октагонга чиқишга тайёрман, — деди Топурия.
Топуриянинг сўнгги жанги 29 июнь куни АҚШнинг Невада штатида, Лас-Вегас шаҳрида ўтказилган UFC 317 турнирида бўлиб ўтди. У ушбу оқшомда 35 ёшли собиқ UFC чемпиони, бразилиялик Чарльз Оливейрага қарши жанг қилди.
Жанг юқори темпда бошланган бўлса-да, узоққа чўзилмади — Топурия рақибини биринчи раунддаёқ нокаутга учратди. Шу тариқа, Илия Топурия UFC енгил вазн тоифасининг янги чемпионига айланди ва промоушен тарихида икки вазн тоифасида чемпионлик камарини қўлга киритган ўнинчи жангчига айланди.
Изоҳ (0)