Ҳужжат қабул қилишни бошлаган Ўзбекистон ОТМлари, Дарбанддаги божхона пункти, Олмаотада қайиққа айланган Tesla ва куннинг бошқа муҳим янгиликлари

20 июннинг эътиборга молик янгиликлари — «Дарё»нинг кечки дайжестида.

1. Ўзбекистон ОТМларида ҳужжат қабул қилиш бошланди. Комиссиялар 09:00 дан 18:00 гача ишлайди. Ҳужжатларни қабул қилиш 20 июлгача давом этади.

2. «Дарбанд» йўл-патруль хизмати постига ёндош ҳудудда божхона пункти очилади. Пункт штати 15 кишидан иборат бўлиб, улар Давлат божхона қўмитаси бўлинмаларини ва Олий ҳарбий божхона институтини қисқартириш ҳисобига ажратилган.

3. Ўзбекистондаги чет элликларнинг виза муддати 23–24 июнь кунлари ўтиб кетса, улар жаримага тортилмайди. Ўзбекистон аэропортларидан халқаро авиарейсларнинг келиш ва кетиш вақтларидаги эҳтимолий ўзгаришлар ҳамда қўшни давлатлар билан чегаралардаги айрим ўтиш жойларида вақтинчалик чекловлар ўрнатилиши муносабати билан шундай қарорга келинди.

4. Илон Маск сув остида қолган Олмаотада қайиққа айланган Tesla видеосини кўрсатди. 17 июнь, жума куни Олмаотадаги сув тошқини вақтида Tesla Model S ҳайдовчиси ушбу электромобилда тошқин остида қолган туннелда сувдан кечиб ўтаётгани акс этган видеони ҳайдовчининг дўсти YouTube’га жойлаган.

5. Blue Origin компанияси New Shepard космик кемасини яна бир марта синовдан ўтказди. Қурилма экипажсиз ҳолатда БЕ-3 двигатели ёрдамида тахминан 100 км баландликка кўтарилди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.