Британия парламентининг қуйи палатаси 20 июнь, душанба куни Лейбористлар партиясидан депутат Жо Кокснинг ўлдириб кетилиши юзасидан чақирилади. Бу ҳақда лейбористлар етакчиси Жереми Корбин Бирстолл шаҳрида бўлиб ўтган дафн маросимида маълум қилди, деб ёзади «ТАСС».
«Мен бош вазир ва спикердан душанба куни парламентни чақиришни сўрадим, ва улар бунга рози бўлди», — деди Корбин, қуйи палата Кокснинг хотирасини «демократия, сўз эркинлиги ва сиёсий қарашларни билдириш эркинлигини қадрлайдиганларнинг барчаси номидан ҳурмат билан эсга олиши»ни таъкидлар экан.
Лейбористлар етакчиси депутатнинг ўлдирилишини «нафратни ифода этиш акцияси» ва «демократияга ҳужум» дея тавсифлади.
Аввалроқ Англиянинг Уэст-Йоркшир графлиги Бирстолл шаҳрида Жо Коксга қуролли ҳужум уюштирилган эди. Гувоҳлар сўзларига кўра, ёвуз ниятли киши кўчада депутатни дўппослай бошлаган, унга бир неча марта пичоқ билан зарба берган, сўнг тўппонча чиқариб, унга ўқ узган. Полиция жиноятчини қўлга туширди, у 52 ёшли эркак бўлиб чиқди. У жиноятни нима сабабдан амалга оширгани ҳозирча номаълум.
Изоҳ (0)