АҚШ ҳукумати Швециянинг алоқа тармоқлари учун ускуналар ишлаб чиқарувчи Ericsson компаниясини коррупцияда гумон қилмоқда, текширув олиб борилмоқда. Бу ҳақда Швециянинг Svenska Dagbladet газетаси маълум қилди, деб ёзади «РБК».
Текширувни АҚШнинг қимматбаҳо қоғозлар ва биржа бўйича комиссияси ҳамда Адлия департаменти олиб бормоқда. Америка ҳукуматида Ericsson’нинг Хитойдаги фаолияти шубҳа уйғотган. Хусусан, компаниянинг Microwave Systems бўлинмаси томонидан амалга оширилган бизнес-келишувлар ҳақидаги маълумот суриштирилган. Шунингдек, Ericsson’нинг Осиё-Тинч океани бўйича офиси раҳбари Матс Олссон шубҳа остига олинган.
Кейинроқ Ericsson унга қарши, чет элдаги коррупция тўғрисидаги қонунга мувофиқ, 2013 йилдан буён текширув олиб борилаётганини тасдиқлади.
Изоҳ (0)