Тожикистон чегарачилари 14 июнь, сешанбага ўтар кечаси тожик-афғон чегарасида контрабандачилар билан отишмага киришди. Бу ҳақда мамлакат миллий хавфсизлик қўмитаси чегара қўшинлари бош бошқармаси матбуот котиби Муҳаммад Улуғхўжаев маълум қилди, деб хабар беради «РИА Новости».
«Хатлон вилояти чегара қўшинлари махсус гуруҳи томонидан тожик-афғон чегарасида давлат чегарасидан ноқонуний ўтишга уриниш ва наркотик моддалар контрабандасининг олди олинди. Тўрт кишидан иборат қуролланган контрабандачилар давлат чегарасидан ўтиш чоғида чегарачилар нарядига дуч келди. Улар тўхташ ҳақидаги талабга бўйсунмади ва икки ўртада отишма бошланди. Контрабандачилар қаршилик кўрсата олмагач, тунги вақт бўлганидан фойдаланиб, қўшни ҳудудда яширинишга улгурди», — деб таъкидлади Улуғхўжаев.
Матбуот котибига кўра, ҳодиса жойини текшириш чоғида чегарачилар 22 килограмм гашиш моддасини мусодара этган.
Изоҳ (0)