АҚШ Ироқда ИШИДга қарши операцияда биринчи марта Apache зарбали вертолётидан фойдаланди, деб ёзади «РБК» АҚШ мудофаа вазири Эштон Картерга таяниб.
Пентагон раҳбари сўзларига кўра, операция Ироқ ҳукумати сўровига кўра Мосул яқинида бўлиб ўтди. Картернинг аниқлик киритишича, миссияни амалга ошириш учун бир нечта Apache вертолётлари юборилган, аммо зарбани улардан фақат биттаси берган. Вазир авиазарба нишонини айтмади, аммо унинг йўқ қилинганини таъкидлади.
Шу йилнинг баҳорида Ироқ армияси жангарилар эгаллаб олган Мосулни озод этишни бошлади. Унга АҚШ раҳбарлигидаги коалиция авиацияси ҳаводан кўмак бериб турибди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)